OYBEKNING O‘XSHASHSIZ O‘XSHATISHLARI

Abstract

Yorqin va komil badiiy iste’dod asosida hamisha teran va muntazam kuzatuvchanlik, turfa olamning kamalak ranglarini zakiylik bilan ko‘ra olish va ularning tirikligiga, tabiiyligiga putur yеtkazmagan holda ko‘rsata olish yotadi. Zero, kuzatuvchanlik va mukammal his qilish, aslida, behad nozik va nodir bir malaka bo‘lib, u har qanday badiiy iste’dod takomilinyng ibtidosidir. Bu ma’noda Oybek she’riyati behad ibratli bo‘lib, uning har bir she’ri nafis va raso kuzatishlar, mantiqli mushohadalar natijasi ekanligi ravshan ko‘rinib turadi.